Azərbaycan Respublikasının maliyyə naziri Samir Şərifov 19-21 fevral tarixlərində Pakistan İslam Respublikası, Birləşmiş Ərəb Əmirlikləri (BƏƏ) və Hindistanda işgüzar səfərdə olub***** 01 yanvar 2018-ci il tarixinə Azərbaycan Respublikasının xarici dövlət borcu 9,398.3 milyon ABŞ dolları (15,978.1 milyon manat), xarici dövlət borcunun ÜDM-ə olan nisbəti 22.8 faiz (2017-ci il üçün hesablanmış 70,135.1 milyon manat ÜDM-ə nisbətdə) təşkil etmişdir****

Azərbaycan Respublikasının dövlət müstəqilliyinin bərpasının 20 illiyi

Son 20 ildə Azərbaycan Respublikasının dövlət büdcəsinin davamlı artımı təmin edilmişdir

Müstəqillik əldə olunduqdan sonra büdcə prosesini tənzimləyən normativ aktların da yenidən işlənilərək beynəlxalq standartlara uyğunluğunun təmin edilməsi, bu qanunlarda şəffaflıq məsələlərinə geniş yer ayrılması qarşıda duran əsas vəzifələrədən olub. 20 il ərzində büdcə prosesini tənzimləyən bir sıra qanun layihələri işlənib hazırlanaraq qəbul olunmuş, hal-hazırda 2002-ci ildə qəbul olunmuş “Büdcə sistemi haqqında” Azərbaycan Respublikasının Qanunu qüvvədədir.
ətraflı

Azərbaycan Respublikasında sığorta nəzarəti orqanı 20 ildir fəaliyyət göstərir

Maliyyə Nazirliyi iqtisadiyyatın ən əhəmiyyətli sahələrindən olan sığorta işinin inkişaf etdirilməsi istiqamətində işləri davam etdirir
Müstəqil Azərbaycan Respublikasında sığorta nəzarəti orqanının yaradılmasından artıq 20 il keçir. Bu dövr həm də Azərbaycanda sığorta işinin inkişafını əhatə edən bir dövrdür. Bu gün ölkəmizin sığorta qanunvericiliyi və sığorta nəzarəti orqanının fəaliyyəti qabaqcıl beynəlxalq təcrübə ilə uyğunluq təşkil etməklə mütəmadi olaraq təkmilləşdirilir, bir çox sığorta və sığorta brokeri şirkətləri tərəfindən fiziki və hüquqi şəxslərə dünya standartlaraına uyğun xidmətlər təklif olunur.  20 il əvvələ nəzər salsaq, keçən müddət ərzində sığorta sahəsində əhəmiyyətli nailiyyətlər əldə olunduğunu görə bilərik.

Müstəqillik dövründə respublikamızda yaradılmış xəzinədarlıq sistemi hal-hazırda uğurla inkişaf edir

Müstəqillik dövründə respublikamızda maliyyə sistemində böyük nailiyyətlər qazanılmışdır.  Dövlət müstəqilliyinin ilk illərində yaradılmış xəzinədarlıq sistemi hal-hazırda uğurla inkişaf edir.   Azərbaycan Respublikasının Prezidentinin 04 oktyabr 1995-ci il tarixli “Azərbaycanda dövlət xəzinədarlığının yaradılması haqqında” Fərmanı ilə  ölkəmizin malik olduğu maliyyə resurslarından düzgün istifadə edilməsi məqsədilə maliyyə sistemində xəzinədarlıqın tətbiqinin hüquqi bazası yaradılmış, bünövrəsi qoyulmuşdur.