Azərbaycan Respublikasının maliyyə naziri Samir Şərifov 19-21 fevral tarixlərində Pakistan İslam Respublikası, Birləşmiş Ərəb Əmirlikləri (BƏƏ) və Hindistanda işgüzar səfərdə olub***** 01 yanvar 2018-ci il tarixinə Azərbaycan Respublikasının xarici dövlət borcu 9,398.3 milyon ABŞ dolları (15,978.1 milyon manat), xarici dövlət borcunun ÜDM-ə olan nisbəti 22.8 faiz (2017-ci il üçün hesablanmış 70,135.1 milyon manat ÜDM-ə nisbətdə) təşkil etmişdir****

Maliyyə Nazirliyi yanında Maliyyə Elm-Tədris Mərkəzində ixtisasartırma kurslarının növbəti buraxılışları olmuşdur

Maliyyə Nazirliyi yanında Maliyyə Elm-Tədris Mərkəzində ixtisasartırma kurslarının növbəti buraxılışları olmuşdur

01.06.2011
Azərbaycan Respublikasının Maliyyə Nazirliyi tərəfindən təsdiq edilmiş tədris plan-qrafikinə uyğun olaraq, cari ilin 21 - 26 may və 18-27 may tarixlərində Maliyyə Elm-Tədris Mərkəzində rayon (şəhər) üzrə maliyyə idarələrinin (şöbələrinin), xəzinə­dar­lıq idarələrinin, Naxçıvan MR Maliyyə Nazirliyinin dövlət qulluqçuları üçün müvafiq olaraq “Dövlət gəlirləri, vergilərin proqnozlaşdırılması və iqtisadi təhlili” və “Xəzinə əməliyyatlarının təşkili və aparılması” mövzularında 2 qrup üzrə ixtisasartırma kursları təşkil edilmişdir.
Tədris müddətində I qrup dinləyicilər qarşısında “Dövlət gəlirlərinin, vergilərinin proqnozlaşdırılmasının metodologiyası və iqtisadi təhlili”, “Qeyri-vergi gəlirlərinin formalaşması və iqtisadi təhlili”, “İnkişaf etmiş dövlətlərdə vergi islahatları praktikası”, II qrup dinləyicilər qarşısında isə “Xəzinədarlıq sisteminin mahiyyəti, əhəmiyyəti və üstünlükləri”, “Maliyyə planlaşdırılması: məqsəd və vəzifələr”, “Xəzinədarlığın informasiya idarəetmə sis­teminin mahiyyəti” və digər mövzularda mühazirələr oxumuşlar.
Bunlarla yanaşı, dinləyicilərə “Şəffaflığın artı­rılması və korrupsiyaya qarşı mübarizə üzrə Milli Strategiyanın Maliyyə Nazir­li­yində həyata keçirilməsi barədə”, “Dövlət qulluqçularının etik davranış qaydaları” mövzularında mühazirələr də oxunmuşdur.
Tədrisi müvəffəqiyyətlə başa vurmuş dinləyicilərə müvafiq şəhadətnamə verilmişdir.
Mətbuat xidməti